اسان رول ماڻھو رلياسين تہ ڇاهي - گلزار سيال شاعري

نه منزل ! جي رستا ڀلياسين تہ ڇاهي؟
اسان رول ماڻھو ! رلياسين تہ ڇاهي؟

نه منزل ! جي رستا ڀلياسين تہ ڇاهي؟
اسان رول ماڻھو ! رلياسين تہ ڇاهي؟

اسان، جيڪڏهن دل ۾ مندر هجون ها
حسينائون ڀيٽا ۾ ٻارن ها ڏيئا
اسان، يا تہ مسجد جا محراب ٿيون ها
پون ها اسان تي ڪي سجدن جا ليئا
نہ هو عشق ۾، حج جو امڪان ڪوئي
ٻڌي خالي احرام نڪري پياسين
اسان لاءِ گنگا جي اشنان تي جهل
ڪناري ڪناري ئي هلندا رهياسين
محبت جو معراج ناهي، اسان لئہ
ائين خالي اڀ ڏي اڏياسين تہ ڇاهي؟
اسان رول ماڻهو! رلياسين تہ ڇاهي؟

نہ وارن کي مليون ڦڻيون، آڱرين جون
نہ زلفن مان آئي، هوا ڪا اُٺي جي
زماني ۾ ڀلجي، ڪئي ڪنھن نہ هوندي
اسان لاءِ ڳڻتي، ڪا پرتي رُٺي جي
حسينن جي هوندي، اڪيلو گذارڻ
وڏي ثابتي آ اڀاڳي هجڻ جي
اسان جي ته تقدير، ڪنهن وقت سکڻين
ڪئي ناهي دعويٰ، سڀاڳي هجڻ جي
اسان لاءِ سنسان سڀ گهر! گهٽي ۾
وڃي ڪنهن به در وٽ رڪياسين ته ڇاهي؟
اسان رول ماڻهو! رلياسين ته ڇاهي؟

اسان، پيار کان ڏور مئاسين او جانان!
خدا ڪونه بخشيندو جنت اسان کي
آ هٿڙن تي ميندي جي حسرت اسان کي
ملي ڪانه اهڙي دعوت اسان کي
رکي در کليل جي ڏسن راهه پنهنجي
اسان کي نگاهون سي هٿ ڪونه آيون
جتي ٿڪ بدن جا ڀڄن ها سمورا
کليل دل ۽ ٻانهون سي هٿ ڪونه آيون
اسان سان زماني کي ڪا غرض ناهي
انهيءَ ساڻ ڄاڻي رسياسين ته ڇاهي؟
اسان رول ماڻهو! رلياسين ته ڇاهي؟

Na manzil je rasta bhuliyaseen ta chhahe
Asaan rol manhu ruliyaseen ta chhahe

Na manzil je rasta bhuliyaseen ta chhahe
Asaan rol manhu ruliyaseen ta chhahe
Asaan jekadhen dil mai mandir hujoon ha
Haseenaun bheta mai baarin ha dee'a
Asaan ya ta masjid ja mehrab thiyoon ha
Pawan ha asaan te ke sajdan ja lee'a
Na ho haj mai, ishq jo ismkaan koi
Badhee khali ehram nikri payaseen
Asaan lae Ganga je ashnaan te jhal
Kinare kinare ee halanda rahyaseen
Muhabbat jo mai'raaj nahe asaan lae Eyen khali ubh de udiyaseen ta chhahe
Asaan rol manhu ruliyaseen ta chhahe

Na waaran khe miliyoon phaniyoon angrian jo
Na zulfan maa aai, hawa ka uthe ji
Zamane mai bhulji, kaee kenh na hondi
Asaan lae ganti, ka parte ruthe thi
Haseen'n je honde, akelo guzaran
Wadi saabti aa abhage hujan ji
Asaan ji ta taqdeer, kenh waqt sakhñeen
Kai nahe dawa sabhage hujan ji
Asaan lae sunsaan sabh ghar, ghitti mai
Wanjeen kenh ba dar wat rukiyaseen ta chhahe
Asaan rol manhu ruliyaseen ta chhahe

Asaan piyar khañ door muasee o jana!
Khuda kon bakhsheendo jannat asaan khe
Aa hathran te menhdi ji hasrat asaan khe
Mili ka na ehri daawat asaan khe
Rakhi dar khuliyal je disan raah panhji
Asaan khe nigahoon se hath kon ayoon
Jite thak badan ja bhajan ha samoora
Khuliyal dil a'en baahoon hath kon ayoon
Asaan saan zamane khe ka gharz naahe
Unhe saan jaane rusiyaseen ta chhahe
Asaan rol manhu ruliyaseen ta chhahe