جي تو اڃا نه ڄاتو، آ ڪير ديس واسي - شيخ اياز جي شاعري

جي تو اڃا نه ڄاتو، آ ڪير ديس واسي
تنهنجو جنم اجايو، تنهنجي مٽي اڻاسي

آيو ويو سڪندر، سيوهڻ اڃا اتي آ
هو کيرٿر کڙو آ، ويندا رهيا وناسي

لالڻ! نوان لڪن ۾، نڪتا نياڻ آهن
ايندا جتي لُڪن ۾، پانڌيئڙا پياسي

هي شام جو مياڻي، هي سون رن پاڻي
تڙ تي ٻه چار ڏيئا، نڙ تي ٻه چار لاسي

منهنجي اڪير ڇا هي؟ هي چٽ چيت من ۾
مندر، اداس ڏيئو، اڌ رات، ديوداسي

جي وک کي وڌائين، اڄ ماڳ ڏور ناهي
ڏونگر ڏري پيو آ، ساهس ته ڌار ساسي

شیخ ایاز